Kosova pa gjyqësor të pavarur dhe efektiv

Të ndjerën Diana Kastrati e kishte sulmuar shumë herë fizikisht ish-bashkëshorti i saj, Adnan Jashari. E kishte kërcënuar me armë. Ajo kishte kërkuar ndihmen e shtetit. Kurrë nuk e kishte marrë. BAzuar në Ligjin për mbrojtje nga dhuna në familje, GJykata Komunale në Prishtinë ka qenë e obliguar të trajtojë kërkesën e Diana KAstratit për urdhër për mbrojtje emergjente në afat prej 24 orësh nga momenti i paraqitjes. Këtë nuk e kishte bërë dhe nuk i kishte dhënë një përgjigje kërkesës së Dianës. Majin e 2011-s, ishte vrarë në mes të ditës, në kryqëzim të një rruge në Prishtinë. Shteti është bërë përgjegjës për vrasjen e saj nga Gjykata Kushtetuese e Kosovës, shkruan Koha Ditore.

Kryeprokurori Aleksandër Lumezi e konsdieron drejtësinë “fytyrë të shtëtit”. Por drejtësia në Kosovë për Diana Kastratin ka qenë vrasësë. Prej atëherë konsiderohet e tillë për të dobëtit, të pakrahët, të varfërit.

Të ndjerën Diana Kastrati e kishte sulmuar shumë herë fizikisht ish-bashkëshorti i saj, Adnan Jashari. E kishte kërcënuar me armë. Ajo kishte kërkuar ndihmen e shtetit. Kurrë nuk e kishte marrë. BAzuar në Ligjin për mbrojtje nga dhuna në familje, GJykata Komunale në Prishtinë ka qenë e obliguar të trajtojë kërkesën e Diana KAstratit për urdhër për mbrojtje emergjente në afat prej 24 orësh nga momenti i paraqitjes. Këtë nuk e kishte bërë dhe nuk i kishte dhënë një përgjigje kërkesës së Dianës. Majin e 2011-s, ishte vrarë në mes të ditës, në kryqëzim të një rruge në Prishtinë. Shteti është bërë përgjegjës për vrasjen e saj nga Gjykata Kushtetuese e Kosovës, shkruan Koha Ditore.

Ka mjaftuar një kërkesë nga ana e presidentes së Kosovës, Atifete Jahjaga në Gjykatë për masë të përkohshme. Të nesërmen është vendosur masa e përkohshme, duke detyruar portalin Indeksonline, që ta hiqte një fotografi të presidentes në të cilën shihen të brendshmet teksa përkulet në një tempull fetar.

Gjykata nuk hezitoi të “mbronte personalitetin e presidentes” dhe nuk e bëri një gjë të tillë për ta mbrojtur jetën e një nëne 27 vjeçe. Kjo është fytyra e Kosovës, kthjellimi i së cilës nuk po ndodh ende.

Aleksanër Lumezi është kryeprokuror i Prokurorisë së Apelit në Prishtinë, Prej 13 vjetësh punon në organin e akuzës. Fillimisht si prokuror, pastaj kryeprokuror i Prokurorisë Komunale të Prishtinës, i Prokurorisë së Qarkut të Prishtinës dhe tash kryeprokuror i Apelit. Prej së është në këtë sektor e pranon se sistemi i drejtësisë, pjesë e së cilës është edhe Prokuroria, nuk ka arritur ta kryejë punën e vet sic duhet, pavarësisht përpjekjeve.

Sipas tij, arsyet janë të shumta: 10 vjet gjyqtarët dhe prokurorët shqiptarë kanë qenë të përjashtuar; pas luftës drejtësia ka qenë në duart e UNMIK-ut dhe ka funksionuar si drejtësi emergjente deri në vitin 2011, ka pasur aplikim ligjesh të ndryshme dhe është prekur korrupsioni./ Koha Ditore/