Varfëria dhe korrupsioni, problemet më të mëdha për bizneset

Mbi 700 biznese të anketuara nga Oda Ekonomike e Kosovës kanë dalë të kenë probleme kryesore varfërinë, korrupsionin, mos sundimin e ligjit, dhe ekonominë joformale në vend. Drejtuesit e Odws Ekonomike dhe asaj Amerikane, kanë dalë me rekomandime për institucionet e vendit dhe ato ndërkombëtare që do të duheshin t’i kenë prioritet në vitin 2015.

Anketat dhe analizat që ka bërë Oda Ekonomike, me mbi 700 biznese, i kanë detektuar problemet më të mëdha me të cilat ballafaqohen ndërmarrjet.

“54 për qind e tyre problemin akut e kanë varfërinë e cila është duke dominuar në Kosovë dhe rënien e fuqisë blerëse dhe absorbuese. 525 të të anketuarve e identifikojnë korrupsionin si dukuri më negative, 45 për qind të të anketuarave e definojnë ekonominë joformale si një sëmundje kancerogjene, 40 për qind thonë se duhet të forcohet sundimi i rendit dhe ligjit, 31 për qind kanë të bëjnë me qasjen e kufizuar ne financa, 30 për qind prej tyre e shohin si problem jostabilitetin politik 28,5 të tyre e shohin krimin e organizuar ose ekonominë e kriminalizuar si një barrierë, 16 për qind të tyre e kanë vërtetë një brengë që ballafaqohen me një nivel të ultë të teknologjisë ekonomike, 16 për qind praktikat e pagesave që është një obligim moral”, tha kryetari i OEK-ut Safet Gërxhaliu.

Niveli i ulët i furnizimit me energji elektrike ka dalë të jetë 10 për qind brengë për bizneset, ndërkohë që besueshmëria e partnerëve të biznesit ka rënë në 9 për qind. Niveli i ulët i infrastrukturës në vende të caktuara dhe niveli i ulët i arsimimit janë sfida tjera që kanë cekur të anketuarit, tregoi Grëxhaliu.

Të gjeturat e tjera me një anketë ku janë përfshirë mbi 400 ndërmarrje kanë nxjerrë kamatat e larta bankare si problem i të bërit biznes. Vështirësi krijojnë edhe mungesa e financave për biznese, të tjerë kanë problem të marrin kredi, e disa kanë deklaruar se konsumatorët nuk paguajnë me kohë, njoftoi Gërxhaliu, duke paraqitur të gjeturat e anketës.

Ndërkaq, kryetari i Odës Ekonomike Amerikane në Kosovës (OEAK), Arian Zeka tha se fuqizimi i rendit dhe ligjit do të ishte parakusht themelor për eliminimin e të gjitha krimeve ekonomike, si ekonominë joformale dhe krimin e organizuar.

Prioriteti i dytë në të cilin do të fokusohemi është natyrisht krijimi i lehtësirave fiskale që do të mundësonin sektorin e prodhimtarisë që përmes këtyre do të krijonim parakushte për përmirësimin e deficitit tregtar që është për momentin shumë shqetësues. Ka shumë ankesa dhe disa prej tyre u potencuan edhe nga anketa e bizneseve. Duhet përmirësimi i plan-programit të institucioneve të arsimit të lartë, që fuqia punëtore e cila diplomon nga këto institucione të arsimit të lartë të jetë në shërbim të tregut të punës ose të jetë e përgatitur për tregun e punës edhe për hapat të cilat na presin më tej në zhvillimin ekonomik”, tha kryetari i Odës Ekonomike Amerikane të Kosovës, Zeka.

Dy odat ekonomike presin që viti 2015 të jetë, siç u shprehën, “vit i kthimit të ekonomisë, vit i kthimit për ekonominë dhe vit i kthimit nga ekonomia”, ndërsa zhvillimi i ekonomisë duhet të jetë prioritet i prioriteteve, në të cilin duhet të fokusohemi të gjithë./Telegrafi/

Shpërndaje.
© RAJONIPRESS

Vërejtje!

RajoniPress.com nuk do të botojë shkrime që nuk i përmbushin kriteret dhe standardet profesionale të gazetarisë bashkëkohore. Nuk do të ketë për askënd mbyllje apo censurë, por jemi të fokusuar që në këtë agjenci, lajmi, shkrimi, raporti, intervista dhe opinioni të plotësojnë kriteret profesionale. Gjithashtu opinionet, analizat, komentet, nuk duhet të shkelin parimet etike (gjuhën e urrejtjes, fyerjet, diskriminimet e çfarëdoshme).