Si lejleku shtegtar

Poezi nga Ruzhdi Kqiku

Kafja e fundit
për mikun e çmuar
te konaku i moqem
o dashamirë

Ca pika loti mbi
Llapin e pikëlluar
e prisnin detyra
Vajti pa lamtumirë

Atje ku bienë gjethet
e njoma para kohe
se s’mund të presin
vjeshtën e vonë

Se shtrëngata
me rrëbeshe
atje në fushë
Panoninë ilirike

Frymë-marrëja e fundit
për ty o lejleku shtegtar
pranë fushë betejash
të tmerrit ballkani

Krismat alarmuese
të këmbonës kobzezë
ku mbillet tmerri
i shfrenimit

Të vranë o miku im
o i çmuari shtegtar
korbat e leckosur
te stimfalit

Të vranë tinëzisht
pas shpine se pse
të urrenin veç se
ishe miku im

Të vranë që të mos
shihej krimi barbar
aje në Plitëvice
e Vukuvar andaj të vranë

Larja e fundit
e trupit pa jetë
që u fliju për
drejtësinë e vërtetë

Pushon pranë shtratit
të Rajnës plakë
aty ku të qajnë zonjat
serioze pa lot

E të mbulojnë
me lule të bardha
ashtu si e kanë
traditë

Aty ku përpiqet dielli me tokën
dy fjalë të përmotshme
për ty lavdi o miku
i çmuar shtegtar.

Ruzhdi Kqiku, gusht, 1991.

Egon Skotland, Gjermani, gazetari i parë i vrarë, në luftën e përgjakshme, kroato serbe, më 1991, pra pas reportazhit të fundit, të bërë nëpër Kosovë./rajonipress/