Edukimi medial përmes artit

Gjilan – Të premten më 26 prill 2024 në shkollën “Nazim Hikmet” në Dobërçan u hap ekspozita e nxënësve të Klubit Medial të shkollës e cila kishte për qëllim ndërgjegjësimin e nxënësve dhe edukimin e tyre përmes artit, me theks të veçantë informimin për: gjuhën e urrejtjes, lajmet e rreme, ngacmimet në internet dhe paragjykimet.

Kjo ekspozitë është realizuar në kuadër të sfidës dhe projektit “Transformimi Shoqëror Inovativ në Kosovë – KIST+” i cili është duke u realizuar në 12 shkolla të Kosovës, ndër to edhe shkolla e Dobërçanit, ku janë të angazhuar mësimdhënësit dhe nxënësit e komunitetit shqiptar dhe komunitetit turk.

Projekti financohet nga Ambasada holandeze ndërsa po implementohet nga Qendra për Arsim e Kosovës (KEC) dhe Dokufest, ndërsa në nivel lokal ky projekt është duke u realizuar me CCNO-Center for cooperation and networking of organizations.
Organizimi i ekspozitës është bërë nga mësimdhënësit: Selvete Bllaca, Mersin Kazazi dhe Rexhep Arifi.

Falënderojmë nxënësit, mësimdhënësit dhe prindërit për prezencën dhe angazhimin e tyre në realizimin e kësaj ngjarje.

Ky projekt do të vazhdoj me aktivitete deri në përfundim të vitit shkollor./rajonipress/