Edon Zhegrova s’njeh limite, shënon gol nga prapa portës

Edon Zhegrova është i njohur për aftësitë e tij teknike që i posedon.

Ai është një nga lojtarët më të mirë me topin në ligën e Francës dhe jo vetëm, derisa vazhdon që dita e ditës të përmirësohet.

Zhegrova po ashtu po shkëlqen edhe në fushën e lojës, duke arritur që në ndeshjen e javës së kaluar të shënojë, me takimin që u luajt në kuadër të play-offit të Ligës së Kampionëve, shkruan “Gazeta Express”.

Magjinë e tij, Zhegrova nuk përton ta tregojë edhe në stërvitje.

Gjatë ditës së sotme, klubi i tij Lille e ka publikuar një video të shkurtër në “InstaStory”, ku shihet ylli kosovar që shënon gol nga prapa portës, duke bërë me dije se nuk ka diça, që ai s’mund ta bëj.

Zhegrova mungoi në ndeshjen e fundit në Ligue 1, pasi ishte i suspenduar, teksa që pritet të rikthehet në aksion në ndeshjen e së mërkurës ndaj Slavia Praha në Çeki.

Lille po avancon 2-0 nga ndeshja e parë, dhe nëse gjërat shkojnë siç duhet, Zhegrova me klubin francez do të jenë pjesë e Ligës së Kampionëve sezonin e ardhshëm.

Pos detyrave me klubin, Zhegrova është një nga emrat e sigurtë në listën e trajnerit Franco Foda, për ndeshjet e Kosovës në shtator./GazetaExpress/