Challandes: Situatë e vështirë me grumbullimin e lojtarëve, por luajmë për fitore ndaj Moldavisë 2 orë

Përzgjedhësi i Përfaqësueses së Kosovës, Bernard Challandes ka folur për ndeshjen ndaj Moldavisë në Ligën e Kombeve, ku ka thënë se luajnë për fitore.

Konferenca është mbajtur përmes ‘Zoom’, ku Challandes ka deklaruar se ndaj Moldavisë do ta fusë skuadrën më të mirë.

“Ndaj Moldavisë luajmë për fitore, luajmë ndeshje garuese, dhe në ndeshje garuese luajmë gjithmonë për fitore. Është test i mirë për ne, është e rëndësishme të luajmë mirë dhe të fitojmë”, ka thënë fillimisht Challandes.

Ekipi i Kosovës shkaku i situatës me COVID-19, ka mbajtur vetëm dy stërvitje në “Fadil Vokrri”, ndërsa shtatë lojtarët nuk ishin të pranishëm, të cilët iu bashkuar ekipit në Itali.

Ata së bashku e kanë zhvilluar vetëm një stërvitje.

“Është e qartë se para një ndeshje ndërkombëtare nuk mjafton një stërvitje. Nuk është mënyra më e mirë, por nuk mund ta ndryshojë situatën, duhet të bëjmë më të mirën në këtë situatë”.
“Ka dallime në formën e lojtarëve, disa prej tyre janë në faza të ndryshme të përgatitjeve, po përshtatimpërgatitjet për secilin prej tyre, për të marrë më të mirën”, deklaroi Challandes.

Ndeshja Moldavi – Kosovë, luhet në Parma të Italisë të enjten nga ora 20:45. /Telegrafi/