Lorik Cana e këshillon Valon Berishën: Je super-lojtar, duhet të transferohesh në këtë skuadër

Kapiteni legjendar i Kombëtares së Shqipërisë, Lorik Cana ka folur vetëm fjalë të mira për futbollistin e Kosovës, Valon Berisha.

Berisha është momentalisht në pronësi të Lazios, skuadër në të cilën Cana kishte luajtur dikur, por që ai është huazuar te Fortuna Dusseldorf në janar, shkruan Zëri.info.

Megjithatë, Cana ia ka rekomanduar Berishës largimin nga klubi gjerman duke thënë se ai do të shkëlqente te Marseille.

“Berisha është një super-lojtar. Ai do të bënte shumë mirë në Marseille”, ka thënë Cana për mediat franceze.

“Ai mund të luajë në disa pozite, pas sulmit, ose si mesfushor qëndror. Berisha është një lloj i futbollistit që më pëlqen”, tregon më tej kapiteni legjendar.

“Berisha është fleksibël, dinamik dhe shumë teknik. Ka një mentalitet fituesi”, shtoi ish-futbollisti i Marseillet.

Ndryshe, Berisha nuk u arriti të përshtatej te Lazio, kurse te Fortuna Dusseldorf ka realizuar paraqitje tejet të kënaqshme. /Zëri.info