Pas Et`hem Hazirit edhe Hoxhë Lipovica dekorohet me “Urdhërin e Lirisë”

Gjilan – Vitet e 40-ta për Gjilanin mbahen mend si vite të rënda të “Masakrës së Gjilanit”. Edhe pse ka kaluar kohë e gjatë ku janë përmbyllur plotë 70 vite kujtim për të rënët, po janë edhe po aq vite dhimbje për humbjet e mëdha që përjetoi ky vend, e që bazuar në historinë e vuajtjeve thuajse s`ka pëllëmbë toke në të cilën s`është i mbjellur një trup njeriu, të gjithë të rënë për lirinë e kësaj toke e që në mendjet e njerëzve njihet si pjesë e Shqipërisë së vjetër.

Familje të tëra me meshkuj të rënë në altarin e lirisë por as një here të gjunjëzuar dhe gjithë here ballë lartë duke luftuar për të drejtën më sublime, lirinë dhe pavarësinë e Kosovës kësaj toke të shumë vuajtur e të larë me gjak.

Kur përmbyllim plotë 70 vite të përkujtimit të të rënëve e për të nderuar sakrificën e madhe të njerëzve që dhanë më të shejtën pasuri, jetën e në nderim të sakrificës gjithë kombëtare, në përvjetorin e shënimit tetë viteve shtet të Kosovës, Presidentja Hahjaga ka nderuar me “Urdhrin e Lirisë” njërin nga emrat më të ndritur të luftës që zhvilloi Gjilani, Jusuf Baftjarin të njohur në popull si Hoxhë Lipovica.

Në përvjetorin e mëparshëm e në vitin kur shënohej 70 vite nga masakra e Gjilanit, me “Urdhrin e Lirisë” ishte dekoruar edhe Et`hem Haziri për tu dekoruar edhe nga Presidenti Nishani me “Shqiponja e Artë” dekorate kjo që jepet për merita të veçanta në mbrojtje të Shqipërisë.

Trimëritë e Hoxhës, ishin të trashëguara brez pas brezi, për të arritur deri tek lufta ku Hoxha si njeri i njohur për trimëri dhe mençuri, filloi ti prijë popullatës së Karadakut, ai duke mos duruar vuajtjet e popullit si dhe thundren famëkeqe serbe filloi organizimin e grupeve të luftërave për t`i dhënë fund robërisë dhe vuajtjeve që ushtroheshin nga okupatori famëkeq serb ndaj popullatës së pafajshme shqiptare.

Martirëve të Karadakut, të cilet historia i njeh për sakrificën e tyre në mbrojtje të pragut të shtëpisë, ju bashkua edhe Hoxha mendjendritur, ai duke pare zullumin e ushtruar atyre viteve ndaj popullatës e si kler apo prijës fetar i`u priu zhvillimeve të kohës dhe duke mos u pajtuar me apharteidin e ushtruar ndaj popullit, mori armët për ti dale zot vatanit, dhe në vitin 1945 në pabesi i ngritet një kurthë dhe kapet nga gjakatarët serb dhe më pas pushkatohet dhe pjesën tjetër të familjes i`a burgosin.

Vlenë të përmendet se nën udhëheqjen e Hoxhë Lipovicës, janë zhvilluar beteja të mëdha si ajo e Raincës së Preshevës, ku me ftesën e Hoxhës në ditë e festës së Bajramit organizohet kryengritje e armatosur e në të cilën betejë marrin pjesë luftëtar nga fshatrat e Gjilanit si: Malisheva, Llovca, Pograxha, Kokaj si dhe nga fshatrat tjera të Karadakut ndërsa si bashkëluftuar të Hoxhë Lipovices janë edhe Et`hem Haziri, Ahmet Haziri nga Llovca, Mulla Idriz Gjilani, Xheladin Kurbalia, Limon Staneci dhe shumë trima të tjerë që sot historia kombëtare i njeh për merita deri në sakrifice për lirinë e tokave shqiptare.

E vetmja gjë që dihet për Hoxhë Lipovicën, është se ai është pushkatuar në pranverën e vitit 1945 dhe tek vendi i quajtur “Gllama” ndërsa për varrin e tij nuk dihet asgjë.

Për veprat e tija të mëdha, jo vetëm familja por edhe Gjilani ndihet krenar duke marrë si shembull trimëritë e Hoxhës i cili shërbeu edhe mësues në shumë fshatra të Anamoravës./rajonipress/