Lëndohet Kristjan Asllani, frikëson Sylvinhon

Kristjan Asllani e zhvilloi të plotë takimin Frosinone-Inter (0-5). Mesfushori i kombëtares shqiptare bëri mirë, por jo gjithçka u mbyll siç duhej.

22-vjeçari, kampion Italie këtë sezon me skuadrën e Inzaghit, pësoi një goditje në minutat e fundit nga marokeni Abdou Harroui.

Dhimbje në pulpën e majtë për Asllanin, teksa shpresojmë të mos bëhet fjalë për ndonjë problem serioz kur kanë mbetur pak javë përpara nisjes së Euro 2024.

Mesfushori do t’i nënshtrohet testeve mjekësorë gjatë ditës së shtunë, për të mësuar më tepër për gjendjen e tij.