Lenjani nuk ndalet, sërish letër Kurtit, Konjufcës e Gërvallës

Gjilan – Përfaqësuesi i fshatit Karaqevë, Selver Lenjani sërish ka ngritur shqetësimin e tij rreh vijës kufitare me Serbinë. Lenjani i ka dërguar letër Albin Kurtit, Gllauk Konjufcës dhe Donika Gërvallës.

Selver Lenjani edhe pse vazhdon të u dërgojë letra dhe kërkesa publike institucioneve qendrore, reagimet dhe përgjigjet e tyre vazhdojnë të mungojnë.

Lenjani sërish ka shprehur shqetësimin e tij për një mungesë serioze të trajtimit të problemit jetik për brezin kufitar. “Zoti kryeministër xhandarmëria serbe vazhdimisht hyn në brendi të territorit të fshatit Karaqevë, ata lëvizin shlirshëm me mjete motorike dhe të armatosur deri në dhëmbë. Këto provokime janë serioze dhe ne kërkojmë nga ju që urgjentisht në tavolinën e bisedimeve në Bruksel të shtrohet edhe problemi i vijës kufitare” ka shkruar Lenjani.

Lenjani u ka treguar Kurtit, Konjufcës e Gërvallës se ata kanë dëshmi e prova se toka është e Kosovës, tatimi është paguar gjithmonë në Kamenicë dhe jo në Serbi.

Më poshtë po u sjellim letrat e Lenjanit dërguar Kurtit, Konjufcës e Gërvallës./rajonipress/