Kamberi takon deputetin gjerman, kërkon sensibilizim për Luginën

Deputeti shqiptar në Kuvendin e Serbisë, Shaip Kamberi, ka avokuar për pozitën diskriminuese të shqiptarëve në Luginën e Preshevës, te deputeti i Budestagut, Adis Ahmetoviq.

“Me deputetin e Bundestagut, Adis Ahmetoviq, biseduam për domosdoshmërinë e sensibilizimit të Parlamentit të Gjermanisë dhe institucioneve tjera në Këshill të Evropës e Parlamentit Evropian me pozitën diskriminuese të shqiptarëve të Luginës së Preshevës”, ka shkruar ai në Facebook.

Kamberi ka thënë se Ahmetoviq ka premtuar angazhim të drejtpërdrejtë në këtë çështje.

“Standardet e dyfishta të trajtimit të pakicave nuk janë rrugë për paqe të qëndrueshme në Ballkanin Perëndimor”, vazhdon postimi.