Kush është Selim Shala, humanisti nga Gjilani që ofroi të hollat e haxhit për luftën në Drenicë dhe UÇK-në

Gjilan – Selim Shala nga Poneshi i Gjilanit në kohën e solidaritetit me Drenicën dhe me daljen në skenë të UÇK-së, kishte vendosur që të hollat e ndara për haxhin, mbi 3000 marka t`i jap për aksionin e solidaritetit me Drenicën të asaj kohe. “Sot haxhi ynë është Drenica dhe përkrahja për luftën e ushtarët tanë të UÇK-së” kishte deklaruar Shala.

Gjilanasi, Selim Shala një njeri me ndenja humane e patriotike edhe pse në moshë të shtyrë, atë kohë kishte treguar një gjest të rrallë ndër shqiptarë.

Në kohën e solidaritetit me Drenicën dhe luftën e UÇK-së, ai kishte harruar shkuarjen në haxh për të cilin rast kishte ndarë 3000 DM dhe në vend të saj kishte vendosur ta ndihmonte aksionin e solidaritetit për Drenicën dhe UÇK.

“Janë pak këto mjete të cilat i kisha dedikuar për Haxhin, por sot haxhi ynë është Drenica dhe përkrahja për luftën e ushtarët tanë të UÇK-së dhe secili shqiptar sot duhet të tregohet human dhe patriot sepse vetëm të bashkuar e të afërt me njëri tjetrin mund ta fitojmë luftën dhe Betejën me Serbinë” kishte deklaruar Shala.

Po kush është në fakt Selim Shala.

I frymëzuar nga lufta për liri e çlirim kombëtar Selim Shala është prindi i vëllezërve Shala të cilët sot janë pronar dhe biznesmen të njohur të kompanisë “DEA” nga Gjilani, kompani kjo që ka arritur rezultate kulminante në fushën e biznesit, sidomos me depërtimin e ujit “DEA” edhe në bazat më të njohura të NATO-së.

Selim Shala nga Poneshi i Gjilanit ishte i punësuar në fabrikën e Kombinatit të duhanit dhe pas një kohe kishte punuar edhe në Gjermani.

“Familja Shala ishte dhe mbeti një familje me taban të fortë kombëtar, brez pas brezi e edukuar në frymën e traditës shqiptare. Oda e shalajve në Ponesh, prej vitesh ishte bërë vatër e edukimit dhe kulturës. Aty bisedohej për rivale politike e ushtarake. Në këtë frymë atdhedashurie ishte rritur edhe prindi i Selim Shalës, Emin Shala – Poneshi. Katër djemtë dhe tri vajzat e tij, edukoheshin në frymën e punës së ndershme, humanizmit, bamirësisë dhe traditës së mrekullueshme shqiptare. Në Odën e shalajve merreshin vendime me peshë historike, pajtoheshin gjaqet dhe krijohej uniteti ën mes grupeve” ka shkruar pos tjerash gazetari Ismet Rashiti në librin e tij: “Liria mbi të gjitha”.

Pinjolli i familjes Shala, Selim Shala tek i cili kishte ndikuar edukata e shëndoshë familjare, siç ka shkruar Ismet Rashiti, kishte ndikuar që pasardhësi i denjë i këtij oxhaku, Selim Shala të bëhet shembull i së mirës.

“Me punë të madhe, sakrificë dhe përkushtim prindor, kishte arritur t`i edukoi katër djemtë dhe dy vajzat e tij të cilët tashmë janë bërë shembull për të mirë dhe dallohen për kontributin e tyre të madh për çlirimin e vendit nga Serbia. Familjar i Hajrullah Tërpezës, Selim Shala do të ndikojë që edhe djemtë e tij siç ishte Mustafë Shala, të jenë një shtyllë e palëkundur e çështjes kombëtare shqiptare”.(Libri “Liria mbi të gjitha”).

E për këtë gjest solidar edhe pas kaq vitesh djali i Selimit, Mustafë Shala ndihet shumë krenar dhe i lumtur që prindi i tij qysh atë kohë jepte çdo gjë nga vetja për të mirën e kombit.

“Edhe unë dhe familja ime jemi kalitur me kohë dhe u kemi rezistuar të gjitha furtunave duke ofruar përkrahje për çdo njeri, që është në shërbim të atdheut e lirisë së Kosovës. Kjo moto e jona nuk do të ndryshojë kurrë sa të jemi gjallë” u shpreh Mustafë Shala./rajonipress/