Agushi: Leni kryeneçësitë e juaja pozitë dhe opozitë dhe punoni për qytetarë që i kanë hallet dhe problemet e veta të mbijetesës

Gjilan – Mosmiratimi i buxhetit është një kolaps i rëndë që e ka ekzekutivi dhe legjislativi në kurriz të qytetarëve të Gjilanit, në mosmiratim të buxhetit fajtori kryesor është Kryetari i komunës dhe kuvendi komunal që po e udhëheq opozita thotë Isa Agushi nga BNA.

Agushi mendon se në këto kushte normalisht kur buxheti nuk miratohet duhet të shkohet në zgjedhje të parakohshme edhe pse ne si BNA nuk e dëshirojmë, shkaku që kanë kosto të lartë financiare vetëm për një vit mandat.

“Me këtë rast apeloj te Kryetari dhe kuvendi komunal të bëjnë të pamundurën dhe ta zgjedhin këtë problem që mos të shkojmë në zgjedhje. Leni kryeneçësitë e juaja pozitë dhe opozitë dhe punoni për qytetarë që i kanë hallet dhe problemet e veta të mbijetesës” tha Agushi për rajonipress.

“Prandaj të dashur qytetar shikoni në çfarë gjendje na kanë prue kjo qeverisje komunale dhe opozita e çoroditur, duhet t`i ndëshkoni me votën tuaj vitin e ardhshëm në zgjedhjet komunale dhe votone BNA-në subjektin ton vendor dhe kandidatin për Kryetar të BNA-së z.Isa Agushi” u shpreh ai./rajonipress/