Ndahet nga jeta Ilir Geci, artist i përkushtuar dhe një nga zërat më të të dalluar të skenës muzikore shqiptare
RajoniPress
16:28, 24 Qershor, 2025
| 3 javë më parë
Gjilan – Me keqardhje ju njoftojmë familjarë, miq dhe dashamirë se sot me datë 24.06.2025, pas një beteje me një sëmundje të rëndë ka vdekur Babai dhe familjari ynë Ilir Geci thuhet në njoftimin e familjes Geci.
Postimi i familjes Geci:
NJOFTIM
Me keqardhje ju njoftojmë familjarë, miq dhe dashamirë se sot me datë 24.06.2025, pas një beteje me një sëmundje të rëndë ka vdekur Babai dhe familjari ynë Ilir Geci, me fjalë pak veprat e tua janë treguesi më i mirë për ne.
Të qoftë i lehtë dheu i Kosovës !
Për datën dhe orën e varrimit, ju njoftojmë me kohë!
Kurse Arbër Ismajli ka shkruar:
Ndarja nga jeta e Ilir Gecit përbën një humbje të madhe për artin, kulturën dhe shpirtin qytetar shqiptar. Ilir Geci ishte një nga zërat më të dalluar të skenës muzikore shqiptare si një artist i përkushtuar, krijues i ndjeshëm dhe figurë e respektuar në jetën publike.
Përmes artit të tij, ai artikuloi emocionin kolektiv të një populli dhe la një trashëgimi që do të mbetet pjesë e pandashme e kujtesës sonë kulturore.
Në këto çaste zie, i shprehim ngushëllimet më të sinqerta familjes, bashkëpunëtorëve dhe gjithë komunitetit artistik. Kujtimi dhe kontributi i tij do të nderohen përherë. Prehu në paqe, Ilir Geci./rajonipress/
