Ka ndërruar jetë, Bektesh Bekteshi, doktor i shkencave të pedagogjisë nga Zhegra e Gjilanit

Gjilan – Sot në moshën 75-vjeçare ndërroi jetë, Bektesh Bekteshi, doktor i shkencave të pedagogjisë në Universitetin e Prishtinës. Bekteshi ishte një punëtor i palodhur i arsimit shqip. Ishte një gur themeltar i arsimit shqipe. Punoi dhe punë e bëri punë. Ku punoi, la mbresa të pashlyeshme tek shkollarët, kolegët dhe tek studentët e tij. E deshi pa masë punën me ditar në dorë. Ndonëse pati shumë sfida jete, se pati jetë me vuajtje e skamje, ai e përballi dhe nuk ndjeu lodhje në rrugën e quajtur dritë e diturisë. Përherë qe i përgatitur dhe shembull në punë ku punoi e veproi.

Askush nuk mund t’i dalë vdekjes përpara. Ajo vjen në mënyrë “tinzare” dhe pa adresë. I merr njerëzit papritur dhe para kohe. Ajo, kur të vjen, thotë populli, çilja derën. Është e ftofshme dhe e neveritshme. Por, s’ka kah t’ia mbajë njeriu! Është një vdekje! Këtë jetë “tjetër”, askush nuk e adhuron. Pse jo? S’ka më të rëndë se vdekja. Ajo nuk pranohet lehtë. Është momenti i fundit i jetës. Është befasuese dhe e pamëshirshme. Jo vetëm kaq.

Sot, në moshën 75-vjeçare ndërroi jetë, Bektesh Bekteshi, doktor i shkencave të pedagogjisë në Universitetin e Prishtinës. Bekteshi ishte një punëtor i palodhur i arsimit shqip. Ishte një gur themeltar i arsimit shqipe. Punoi dhe punë e bëri punë. Ku punoi, la mbresa të pashlyeshme tek shkollarët, kolegët dhe tek studentët e tij. E deshi pa masë punën me ditar në dorë. Ndonëse pati shumë sfida jete, se pati jetë me vuajtje e skamje, ai e përballi dhe nuk ndjeu lodhje në rrugën e quajtur dritë e diturisë. Përherë qe i përgatitur dhe shembull në punë ku punoi e veproi.

Thonë, njeriu shkon, por veprat mbesin. Mbesin dhe ato qëndrojnë të pavdekshme. Andaj, secili njeri e ka një “vepër”, e cila mbetet e shijohet. S’ka më mirë se në jetë njeriu të bëj vepra të mira. Edhe Bektesh Bekteshi ishte një njeri nga më të dalluarit e të respektuarit në jetë.

Dr. sc. Bektesh Bekteshi është i lindur në Zhegër të Gjilanit, më 1 janar të vitit 1943. I ati i tij, Selmani, qe një njeri shumë i nderuar nga qytetarët e Malësisë së Karadakut e më gjerë. Ishte familje me tradita të pasura atdhetare.

Shkollën fillore e kreu në vendlindje, ndërsa atë të mesme (Normalen), në Gjilan, në vitin shkollor 1963/64. Një kohë Bektesh Bekteshi ishte mësues me ditar në dorë në Shkollën fillore të Pidiqit. Më vonë punoi si arsimtar i ciklit të lartë në Shkollën fillore, tash “Agim Ramadani” në Zhegër. Por, pak kohë ka punuar me ditar në Shurdhan e Pasjan.

Bektesh Bekteshi e deshi pa masë rrugën e shkollimit. Ndonëse pati kushte të rënda ekonomike, ai në vitin akademik 1964/65 regjistrohet në Fakultetin Filozofik – Dega e Pedagogjisë në Prishtinë, të cilin fakultet e kryen në vitin 1969 me sukses të dalluar. Pas studimeve, një vit punoi në Qendër për Punë Sociale në Prishtinë, e pastaj filloi të punojë si profesor në Gjimnazin”Sami Frashëri” dhe në atë të Lipjanit.

Në vitin 1972, Bektesh Bekteshi zgjedhet asistent në Degën e Pedagogjisë të Fakultetit Filozofik të Prishtinës për lëndën “Metodologjia e pedagogjisë me statistikë”.

Mësojmë se studimet pasuniversitare i regjistroi dhe i mbaroi në Fakultetin Filozofik të Universitetit të Zagrebit, ku në qershor të vitit 1976 magjistroi në temën “Ndryshimet e ngarkesës së nxënësve të shkollave fillore në kalim nga mësimi klasor në atë lëndor”. Këtë materje studimore, pas pak kohe e ka botuar si libër të kësaj natyre. Pas pak kohe, Bektesh Bekteshi, që na mungon, ka doktoruar në temën “Komponenta kohore dhe përmbajtësore e ngarkesës së nxënësve të shkollave fillore”, e cila tezë ka 420 faqe tekst. Jo vetëm kjo.

Gjatë punës së tij studimore e shkencore, ai përparon dhe nuk ndalet. Së pari merr titullin e ligjëruesit, pastaj, pas mbrojtjes ë doktoratës, në atë të docentit (1987) e pastaj në titullin e profesorit inordinar (1994) dhe më 1999 në atë të profesorit ordinar për lëndën e përmendur më parë. Ai disa vjet ishte ligjërues i lëndëve si janë: “Metodika e dituri natyre dhe shoqërisë” në SHLP “Skënderbeu” në Gjilan; ligjërues i Pedagogjisë në Fakultetin e Filozofisë – Dega e Historisë dhe Filozofi – Sociologji të UP-së, ligjërues i lëndës Metodologji e hulumtimeve shkencore me statistikë në FKF dhe në shkallën e tretë të këtij fakulteti. Ligjëroi në Universitetin e Tetovës, ishte anëtar dhe kryetar i Kolegjiumit të shkallës së tretë në Fakultetin e Filozofisë – Dega e Pedagogjisë etj.

Dr. Bektesh Bekteshi, që nga sot na mungon, ai pos obligime të përditshme si ligjërues me studentë, punën hulumtuese e shkencore nuk e ka ndalë në ngritjen e tij profesionale. Vazhdimisht është marrë me publikimin e punimeve shkencore nëpër revista dhe gazeta, si janë: “Shkendija”, Libri shkollor”, Për prindërit”, “Zëri i rinisë”, “Rilindja”, “Pionieri” e në revista të tjera. Ka botuar me dhjetëra punime profesionale – shkencore. La në dorëshkrim disa vepra. Ka bërë disa recensione të teksteve shkollore.

Por, edhe pas kësaj pune “kulmore”, ai sot na mungon. Kjo është jeta “tjetër”, e cila veprat i lë pas dhe shkon në një botë të pakthim. Bektesh Bekteshi ishte profesor me tërë qenien e tij njerëzore. Ishte i afërt, komunikues, shumë punëtor, zë ulët dhe ofrues dhe vizionar. Të rrallë do ta lind natyra një njeri të tillë me karakter të lartë njerëzor dhe shumë i pasur me dije e dituri.

Por, aj vdekja! Ajo i merr njerëzit pa e ditur. E mori edhe profesorin e urtë e punëtor, Bektesh Bekteshin, i cili, sa ishte gjallë, përkujtohet si njeri me plot kuptimin e fjalës. Punoi dhe punën shumë e respektoi gjer në frymën e fundit të jetës.

Të shtojë edhe këtë se, ai, sa ishte gjallë, bëri përgatitjen e shumë emisioneve arsimore në RTV të Prishtinës. Punoi dhe punën shumë e vlerësoi. Ishte shembull i profesorit punëtor kudo që punoi e veproi./tefik selimi/rajonipress/