Hajrullahu kërkon nga ministri i arsimit ndërtimin e shkollës së mesme në Zhegër

Gjilan – Enver Hajrullahu këshilltar komunal nga radhët e NISMA në takimin që ka pasur me Ministrin e MASHT-it zotin Shyqiri Bytyqi ka kërkuar ndërtimin e shkollës së mesme në Zhegër dhe ndërtimin e sallës sportive në shkollën fillore “Agrim Ramadani”.

Enver Hajrullahu tha se ministri u shpreh i gatshëm për bashkëpunim dhe në përkrahjen e proceseve në interes të të gjithë qytetarëve tanë.” Kërkesa ime ishte, që shkolla e mesme në Zhegër të ndërtohet e re, gjithashtu edhe ndërtimi i sallës sportive në shkollën fillore “Agim Ramadani”. E falënderoj Ministrin Bytyqi, për mikpritjen dhe bashkëpunimin e ngushtë” ka shkruar Hajrullahu./rajonipress/