Prioritetet e Qeverisë “Mustafa”, sikurse ato të Qeverisë “Thaçi”

Edhe pse reformat e brendshme do të duhej të ishin preokupim kryesor, analistët thonë se dialogu me Serbinë dhe krijimi i Gjykatës Speciale për krimet e supozuara të UÇK-së do të zënë vend kyç në agjendën qeveritare.

Sikur periudha e fundit e qeverisjes së kaluar ashtu edhe fillimi i qeverisjes së re, sipas analistit Artan Muhaxhiri, do t’ia imponojë kryeministrit që shumicën dërrmuese të energjisë ta harxhojë duke u marrë me projektet ndërkombëtare për Kosovën.

Sipas tij, kjo situatë është e dëmshme për dy arsye. Së pari, vlerëson ai, problemet e mëdha të shoqërisë kosovare nuk do ta kenë vëmendjen dhe përkushtimin qeveritar të cilin e meritojnë, rrjedhimisht edhe shanset për zgjidhjen e tyre do të pakësohen. / Koha Ditore/