Kemal Ademi kontribuon me asistim dy minuta pasi hyri në lojë në fitoren bindëse të Fenerbahces

Fenerbahce ka shënuar fitore bindëse në takimin e javës së 21-të kundër Kayserisporit, shkruan “Zeri.info”.

Gjigandët e futbollit turk triumfuan 3:0 ndaj mysafirëve në Stamboll.

Në golin e tretë ishte protagonist edhe lojtari me prejardhje shqiptare, Kemal Ademi.

Ky i fundit u inkuadrua në lojë në minutën e 84-të dhe arriti që brenda dy minutave të asistoj për Papiss Cissen që realizoi golin përfundimtar.

Kujtojmë se së fundmi Fenerbahce e kompletoi transferimin e bujshëm të Mesut Ozil. /Zeri.info