Atdhe Nuhiu shënon dy gola për Sheffield Wednesday në humbje ndaj Fulham

Atdhe Nuhiu ka shënuar dy gola në ndeshjen e sotme ndaj Fulham, por që ishin të pamjaftueshme për skuadrën e tij.

Sulmuesi i Kosovës, shkëlqeu në ndeshjen e skuadrës së tij Sheffield Wednesday ndaj Fulhamit, që u mbyll me rezultat 5-3.

Gjiganti kosovar hyri në lojë në pjesën e dytë dhe i shfrytëzoi 45 minutat e lojës për t’i shënuar dy gola.

Nuhiu e shënoi golin e tij të parë vetëm tre minuta pas inkuadrimit në lojë, në minutën e 49-të të ndeshjes, duke shënuar nga pika e penalltisë.

Ndërsa, golin e tij të dytë e shënoi në minutën e 78-të, që u asistuar nga Jacob Murphy, i cili e kishte shënuar golin tjetër të Sheffieldit në këtë ndeshje.

Nuhiu ka shënuar gjashtë gola këtë edicion në Championship.

Fulham mbetet në garë për një vend në Ligën Premier, ndërsa Sheffield e ka siguruar mbijetesën në Championship. /Telegrafi/