Kjo pritet të jetë skuadra e re e Elseid Hysajt, Napoli merr një turk në vend të futbollistit kuqezi

Elseid Hysaj me shumë mundësi do të largohet nga Napoli në verë dhe agjenti i shqiptarit po punon për të gjetur një skuadër të re.

Shkodrani pavarësisht se ka gjetur më shumë minuta nën drejtimin e Gattusos, përsëri e ka ndarë mendjen dhe në verë dëshiron të ndryshojë skuadër. E ardhmja e mbrojtësit mund të jetë te Roma, që prej kohësh ka shfaqur interes për të. Verdhekuqtë e pëlqejnë shumë Hysajn dhe duan ta mrrin në ekipin e tyre.Image

Madje shqiptari mund të shkëmbehet me sulmuesin turk të Romës, Cengiz Under, i cili gjithashtu pëlqehet shumë nga Napoli dhe shihet si një zëvendësues ideal për Cajellon që gjithashtu pritet të largohet në merkaton e verës.

Turku vlerësohet rreth 25 milionë euro dhe sipas asaj që shkruan “Corriere dello Sport”, për të mbërritur te sulmuesi Napoli mund të përdorë Hysajn, të cilit gjithashtu do i pëlqente të kalonte në “Olimpico”.