1763 gjoba në trafik, dhe 40 masa ndalimi për mjetet motorike
RajoniPress
10:02, 8 Nëntor, 2024
| 7 muaj më parë
Gjilan – Me qëllim parandalimin e aksidenteve në trafik, Drejtoria Rajonale e Policisë në Gjilan apelon tek të gjithë ngasësit që të respektojnë dispozitat ligjore në trafik, të përshtatin ngasjen dhe shpejtësinë me kushtet e rrugës. Siguria në trafik është përgjegjësi e përbashkët dhe kërkon angazhimin e të gjithëve.
Drejtoria Rajonale e Policisë Gjilan, Njësia Rajonale e Trafikut Rrugor dhe stacionet policore gjatë periudhës kohore 01.11.2024 – 07.11.2024 në vazhdën e implementimit të planeve operative kanë shqiptuar njëmijë e shtatëqind e gjashtëdhjetë e tre (1763) gjoba.
Gjatë kësaj periudhe në kuadër të këtyre planeve janë ndërmarr aktivitete edhe në:
· Hetim i trembëdhjetë (13) aksidenteve të trafikut me dëme materiale,
· Hetim i pesëmbëdhjetë (15) aksidenteve të trafikut me të lënduar,
· Hetim i një (1) aksidenti me pasoja fatale,
· Shqiptuar masa e ndalim drejtimit të mjeteve motorike për dyzet (40) ngasës.
Me qëllim parandalimin e aksidenteve në trafik, Drejtoria Rajonale e Policisë në Gjilan apelon tek të gjithë ngasësit që të respektojnë dispozitat ligjore në trafik, të përshtatin ngasjen dhe shpejtësinë me kushtet e rrugës. Siguria në trafik është përgjegjësi e përbashkët dhe kërkon angazhimin e të gjithëve./rajonipress/
