Shpërblehet poezia “Shqip” e krijuesit Engjëll Koliqi

Gjilan – Nga juria poezia e Engjëll Kolliqit është vlerësuar si poezia më e mirë e lexuar në Orën Letrare “Muza e Agimit”, aktivitet ky në kuadër të Manifestimit ‘Ditët e Agimit”, që mbahet në Zhegër të Gjilanit, në nderim të figurës poliedrike të heroit tonë Agim Ramadani.

Juria e manifestimit “Ditët e Agimit” e përbërë nga Xhevat Syla, Nuhi Ismajli dhe Sarë Gjergji e kanë vlerësuar si poezinë më të të mirë atë të Engjell Koliqit e titulluar “Shqip”.

Ndryshe kjo poezi edhe mori shpërblimin “Muza e Agimit” në kuadër të orës së madhe letrare.

“Ditët e Agimit”, janë mbajtur në shkollën e fshatit që mbanë emrin e heroit Agim Ramadani, e ku punimet e tyre i lexuan krijues nga Kosova , por edhe jashtë saj duke përfshirë edhe krijuesit nga “Karvani i Shkrimtarëve”./rajonipress/