Robelli për Alban Hysenin: Për qytetarët, të cilëve kohën ua ke humbur e jetën ua ke vështirësuar, t`i do të mbetesh mishërim i dështimit

Gjilan – Për qytetarët, të cilëve kohën ua ke humbur e jetën ua ke vështirësuar, t`i do të mbetesh mishërim i dështimit, shembull i nepotizmit e leksion se si nuk duhet të qeveriset Gjilani ka shkruar Kujtim Robelli nga PSD e Gjilanit.

Postimi i plotë:

Albani paska thënë që viti 2025 do të jetë i qytetarëve dhe që po e rikthejnë dinjitetin në Gjilan.

Nga 4 vite mandat, Albani e paska bë zemrën guri e po don 6 muajt e fundit me ia kushtue qytetarëve të Gjilanit. “Legjendë” e kemi Albanin apo jo!? Kryetari i Komunës, 4 vite, çdo ditë, pa përjashtim duhet me ia kushtu komunës, qytetit e qytetarëve – të mirës së përgjithshme.

Për këtë zgjidhet e kjo është pikënisja, e jo e kundërta: sa po bën rahmet kryetari m’u marrë me detyrë e obligime.

Të bëhemi të sinqertë, të gjithë në Gjilan e dimë që Albani përkushtimin e ka madhështor vetëm kur në pyetje është interesi i tij. Kësaj radhe interesit i ka ardhur koha të emërtohet “zgjedhje komunale” e përkushtimi “fushatë”.

Dinjitetin ia more t`i Gjilanit, o Alban Nofka – se aq shumë nofka i ke bë, saqë nuk po di as qysh me t’thirrë: ‘bir’ po ia lë servilava përreth teje, se aq e keni nivelin në katin e dytë të Komunës.

Për qytetarët, të cilëve kohën ua ke humbur e jetën ua ke vështirësuar, t`i do të mbetesh mishërim i dështimit, shembull i nepotizmit e leksion se si nuk duhet të qeveriset Gjilani.

Gjilanit dinjitetin me ‘hi syve’, pak muaj para zgjedhjeve, për fushatë, nuk mundesh me ia kthye. Dinjiteti Gjilanit i kthehet kur t`i Alban, e merr nën sqetull fotografinë e Albinit, që e mbanë në zyrë, e kokulur liron karrigen e Kryetarit të Gjilanit për të mos u rikthye‘ kurrë më./rajonipress/