Robelli: I gjithë mandati i Alban Hysenit, qysh nga fillimi e deri sot, ka qenë i stërmbushur me skandale, e paaftësi udhëheqjeje

Gjilan – Shkeljet ligjore, çfarëdo qofshin ato, duhet të vlerësohen nga prokuroria, pa marrë parasysh a është dikush Kryetar apo në pushtet. Skandalet politike i kemi në dorë ne qytetarët e Komunës së Gjilanit për t’i vlerësuar thotë Kujtim Robelli nga PSD e Gjilanit.

Opozita në Gjilan vazhdon të mendoj se Alban Hyseni po amnistohet nga organet e ndjekjes meqë ka shumë shkelje e lëshime, e në anën tjetër ende s`ka aktakuzë të ngritur ndaj tij.

Kështu mendon edhe Kujtim Robelli anëtar i kryesisë së PSD-së dega në Gjilan.

Robelli mendon se ka dallim në mes të skandaleve politike, të shtrira përgjatë gjithë mandatit të Alban Hysenit si Kryetar i Komunës së Gjilanit, dhe shkeljeve ligjore.

“Qeverisja e Lëvizjes VETËVENDOSJE! e ka shndërruar Gjilanin në strofull të nepotizmit e vatër të keqqeverisjes lokale. I gjithë mandati, qysh nga fillimi e deri sot ka qenë i stërmbushur me skandale e paaftësi udhëheqjeje. Në njërën anë një parti e paaftë për të udhëhequr, e në anën tjetër një amater politik e i pangopur, as që dinë më mirë se kaq. Por, kjo nuk duhet të shërbej si amnestim.
Shkeljet ligjore, çfarëdo qofshin ato, duhet të vlerësohen nga prokuroria, pa marrë parasysh a është dikush Kryetar apo në pushtet. Skandalet politike i kemi në dorë ne qytetarët e Komunës së Gjilanit për t’i vlerësuar” thotë Robelli për rajonipress.

Robelli mendon se :”Derisa prokuroria t’i përfundoi punët e saja, ne e kemi mundësinë të ndëshkojmë, atë e ata, që Gjilanin e kthyen në zyrë partiake e familjare, që punuar vetëm për leverdi personale e jo për të mirën e përgjithshme të qytetarëve. Vlerësimi i tyre nuk mund të jetë ndryshe, pos ndëshkim në zgjedhjet lokale që po na presin”. /rajonipress/