Qytetarët porosi për Albin Kurtin: Duam jetë të dinjitetshme, jo të varur nga subvencionet e lëmosha qeveritare

Gjilan – Qytetarë gjilanas të anketuar mendojnë se qasja e Qeverisë duke shpërndarë fonde përmes subvencioneve është e gabuar. Elbasani student mendon se Qeveria Kurti duhet të ofrojë jetë të dinjitetshme dhe të merret me jetën reale të qytetareve duke ulur çmimet e duke ofruar siguri në të gjitha fushat.

Qytetarët gjilanas të anketuar dëshirojnë që jeta e tyre të varet nga puna dhe ndershmëria, kurrsesi nga lëmosha e subvencionet qeveritare.

Zeqiri një 56 vjeçar mendon se Qeveria duhet të ofrojë punësime për rininë, siguri në të gjitha fushat. “Është e mërzitshme kur sheh çdo ditë Qeveria ndanë fonde e subvencione për kategori të ndryshme qytetarësh. Kështu fondet publike veç po keqpërdoren dhe nuk po arrihet asnjë rezultat” mendon ai.

Elbasani student mendon se Qeveria Kurti duhet të ofrojë jetë të dinjitetshme dhe të merret me jetën reale të qytetarëve duke ulur çmimet e ofruar siguri në të gjitha fushat.
“Çmimet kanë tejkaluar të gjitha parashikimet duke shkuar në ekstrem, ndërkohë që asnjë përpjekje e Qeverisë nuk po shihet për ta stopuar këtë trend negativ. Unë dua jetë të dinjitetshme dhe jo jetë që varet nga lëmosha e Qeverisë” shprehet Elbasani./rajonipress/