Policia e Gjilanit dhe Spitali koordinohen për të përmirësuar reagimet në situata emergjente

Gjilan – Në këtë takim u diskutua për intensifikimin dhe koordinimin midis dy institucioneve për të përmirësuar reagimin në situata emergjente dhe për të përforcuar masat e sigurisë, sidomos në raste të aksidenteve, incidenteve dhe urgjencave shëndetësore që kërkojnë ndërhyrjen e menjëhershme të forcave të rendit dhe ekipeve mjekësore, për masat që mund të ndërmerren në mbështetjen reciproke, shkëmbimin e informacioneve, komunikimit të shpejtë dhe efikas për të mundësuar një reagim të koordinuar dhe të shpejtë në situata të tilla.

Drejtori i Drejtorisë Rajonale të Policisë në Gjilan Kolonel Agron Rukiqi me staf, ka pritur në takim Drejtorin e Spitalit të Përgjithshëm në Gjilan, Arsim Emini dhe znj.Vlora Shalaj Drejtoreshë e Shërbimit të Infermierëve në Spitalin Rajonal në Gjilan, për të diskutuar rreth forcimit të bashkëpunimit në fushën e sigurisë dhe shëndetit publik.

Në këtë takim u diskutua për intensifikimin dhe koordinimin midis dy institucioneve për të përmirësuar reagimin në situata emergjente dhe për të përforcuar masat e sigurisë, sidomos në raste të aksidenteve, incidenteve dhe urgjencave shëndetësore që kërkojnë ndërhyrjen e menjëhershme të forcave të rendit dhe ekipeve mjekësore, për masat që mund të ndërmerren në mbështetjen reciproke, shkëmbimin e informacioneve, komunikimit të shpejtë dhe efikas për të mundësuar një reagim të koordinuar dhe të shpejtë në situata të tilla.

Kolonel Rukiqi me këtë rast e falënderoj z. Emini për mbështetjen që Spitali Rajonal në Gjilan ka dhënë për personelin e policisë në organizim të kontrolleve sistematike si dhe kontributin e dhënë nga ky institucion me rastin e testimeve mjekësore në proceset e rekrutimit të kandidatëve për zyrtar policor.

Po ashtu u diskutuan mundësitë e zhvillimit të projekteve dhe aktiviteteve të përbashkëta në të ardhmen që do të mundësojnë mbrojtjen e jetës dhe sigurisë së qytetarëve, si dhe mbështetje më të madhe për personelin e shëndetësisë dhe të punonjësve të policisë thuhet në njoftimin e policisë së Gjilanit./rajonipress/