Rashiti: Me të gjitha propozimet e PDK-së dhe të opozitës miratohet buxheti komunal për vitin 2025

Gjilan – Gjashtë muaj humbje kohe nga një kryetar i papërgjegjshëm i komunës së Gjilanit, duke i ikur debatit dhe bashkëpunimit me opozitën ka shkruar Riad Rashiti.

Postimi i plotë:

Dhe më në fund u detyruar të jetë pjesë e vendimmarrjes në seancën e jashtëzakonshme të thirrur nga opozita, e që dje e quajti seancë të jashtëligjshme, ja sa ka peshë fjala e tij si kryetar komune.

Jam i lumtur që propozimet e Bujar Nevzadit në emër të PDK-së u miratuan nga Kuvendi Komunal, janë projekte tejet të rëndësishme për qytetarët e Gjilanit.

Nuk ka rrugë tjetër në politikë dhe në vendimmarrje të institucioneve, përveç debatit konstruktiv, bashkëpunimit politik dhe zbatueshmërisë së procedurave dhe ligjshmërisë./rajonipress/