Pas periudhës në Itali, Kasami kthehet në Zvicër
RajoniPress
22:26, 11 Shkurt, 2025
| 4 muaj më parë
Mesfushori shqiptar Pajtim Kasami është kthyer në Zvicër.
Ai të martën ka nënshkruar kontratë deri në vitin 2026 me skuadrën e Sionit. Kasami me Sionin ka luajtur edhe gjatë periudhës 2017-2020.
Ai ka luajtur për herë të fundit te skuadra e Sampdorias në Serie B.
Por javën e kaluar ai ndërpreu kontratën me ekipin italian. Për Sionin ka shënuar 32 gola në 104 ndeshje. Në Zvicër ka luajtur edhe për Baselin e Luzernin.
Kasami ka fituar Kupën e Botës me U17 e Zvicrës. Për ekipin A të Zvicrës ka luajtur 12 ndeshje, ndërsa ka edhe dy gola të shënuar.
