Mario Mitaj s’po i ndahet trofeve me Al-Ittihadin e Benzemas, triumdojnë në Kupën e Mbretit
RajoniPress
09:20, 31 Maj, 2025
| 3 javë më parë
Mbrojtësi i Kombëtares së Shqipërisë, Mario Mitaj, me skuadrën e Al-Ittihadit e kanë fituar Kupën e Mbretit të Arabisë Saudite.
Al-Ittihadi të premten mbrëma në finale e mposhti Al-Qadisiyan me rezultatin 3:1.
Karim Benzema e kaloi në epërsi Al-Ittihadin në minutën e 34-t. Nëntë minuta më pas, Houssem Aouar, realizoi për 2:0.
Pierre-Emerick Aubameyang në minutën e gjashtë shtesë të pjesës së parë e ngushtoi rezultatin në 2:1.
Benzema e realizoi golin e fundit në minutën e 94-t.
Al-Qadisiya nga minuta e 81-të mbeti me një futbollist më pak në fushë pasi Ezequiel Fernandez u ndëshkua me kartonin e dytë të verdhë dhe u përjashtua nga loja.
Mitaj e kompletoi ndeshjen dhe ishte prej më të mirëve te skuadra e tij.
Ky ishte edhe trofeu i dhjetë për Al-Ittihadin.
Al-Ittihadi e ka fituar edhe titullin e kampionit në elitën e futbollit arab.
