Kryetari i komunës së Vitisë Sokol Haliti reagon ashpër ndaj Ministrisë së Financave

Viti – Që nga data 18 korrik 2024, Ministria e Financave Punës dhe Transfereve, ka bërë mbylljen e qasjes në sistem të pagesave të zyrtarëve financiarë të komunës së Vitisë për shkak të një fature totale prej 744 mijë eurove, e cila rrjedhë nga obligimet e kontratës kolektive (punëtorët arsimorë, shëndetësorë dhe zjarrfikësit), që për komunën e Vitisë është një shqetësim i madh dhe një shumë e pa përballueshme për buxhetin komunal ka shkruar Sokol Haliti.

Reagimi i plotë:

Andaj, shprehim shqetësim të thellë dhe kërkojmë gjetjen e zgjidhjes sa më parë nga Ministria e Financave për këtë çështje, sepse edhe po të bëhet anulimi i të gjitha projekteve të pa tenderuara, ne si komunë nuk mundemi t`i mbulojmë as gjysmën e këtyre mjeteve.

Poashtu, kërkojmë nga ministria përkatëse që sa më parë, të na e lejoj qasjen në sistemin e pagesave të zyrtarëve financiarë, sepse një gjë e tillë është e pa drejtë dhe e ka bllokuar në tërësi punën dhe projektet që janë duke u zhvilluar e poashtu edhe pagesat që duhet të bëhen në afat të caktuar./rajonipress/