Krenar Xhaferi votuesve: Më keni dhënë nderin e jetës dhe më keni ngarkuar me përgjegjësinë më të madhe: të jem zëri dhe forca juaj
RajoniPress
06:52, 7 Mars, 2025
| 3 muaj më parë
Gjilan – Falë mbështetjes së jashtëzakonshme, për herë të parë më është dhënë mundësia të bëhem zëri juaj në Kuvendin e Republikës së Kosovës. Ky nuk është fundi, por një fillim i ri. Premtimi im mbetet i njëjtë: do të jem gjithmonë pranë jush, do të punoj për ju dhe me ju, për një Kosovë më të mirë, për një të ardhme më të ndritur, për ëndrrat dhe shpresat tona të përbashkëta ka shkruar Krenar Xhaferi në mesazhin e tij drejtuar votuesve të LDK-së!
Postimi i plotë:
Të dashur qytetarë,
Ju falënderoj nga zemra – juve, 19.115 votues të LDK-së që më keni dhënë besimin tuaj! Falë mbështetjes së jashtëzakonshme, për herë të parë më është dhënë mundësia të bëhem zëri juaj në Kuvendin e Republikës së Kosovës.
Ky rezultat nuk është vetëm i imi është edhe i juaji, i secilit prej jush që keni besuar, shpresuar dhe punuar për të. Më keni dhënë nderin e jetës dhe më keni ngarkuar me përgjegjësinë më të madhe: të jem zëri dhe forca juaj.
Rruga jonë sapo ka nisur dhe sfidat para nesh janë të shumta, por jam i sigurt se me bashkëpunimin tuaj të vazhdueshëm, do t’i arrijmë sukseset që na presin.
Jam krenar që përshkova një fushatë të ndershme, të bazuar në parime të forta dhe përkushtim të palëkundur, duke besuar se politika është një shërbim i pastër ndaj qytetarëve.
Ky nuk është fundi, por një fillim i ri. Premtimi im mbetet i njëjtë: do të jem gjithmonë pranë jush, do të punoj për ju dhe me ju, për një Kosovë më të mirë, për një të ardhme më të ndritur, për ëndrrat dhe shpresat tona të përbashkëta!
Një falënderim i veçantë shkon për familjen time, për mbështetjen pa kushte dhe dashurinë e përzemërt që më kanë dhënë në çdo hap të këtij udhëtimi.
Faleminderit
