Kompanitë e ndërtimit edhe ndërtojnë, edhe e shkatërrojnë infrastrukturën publike

Gjilan – Edhe pse kompania “Monopol City” tregohet e kujdesshme në investimet brenda objekteve të saja, kështu nuk ndodhë edhe në hapësirat publike siç janë rrugët. Kjo foto është dërguar nga qytetarët e lagjes, ku shihet se kamionët e tyre hyjnë e dalin me baltë, duke i dhënë pamje të keqe edhe rrugës së asfaltuar, por edhe vet hapësirës ku punohet.

Vijnë nga Prishtina dhe investojnë miliona në Gjilan. Krejt në rregull dhe askush nuk ka gjë kundër. Por si është e mundur që nuk respektohet, një minimum kujdesi e kriteri gjatë punimeve në këta kantier ndërtimi.

Këta kamion po hynë e dalin tek banesat e mëdha të “Monopol City”, derisa rrugët po bëhen shkret me baltën që ata po lëshojnë.

Fotot e dërguara nga qytetarët e lagjes tregojnë qartë, për një pamje vërtet jo të mirë të punimeve. Madje njëri mur që ndodhet në anën e kundërt është i izoluar aq thjeshtë derisa lartësia e gropës është disa metra.

Banorët e afërt ku po kryhen punimet kërkojnë nga kompania, që urgjentisht ta izolojë atë pjesë të murit i cili paraqet rrezik veçmas për nxënësit dhe kalimtarët e rastit./rajonipress/