Kadriu premton investime edhe në brezin kufitar në Anamoravë

Gjilan – Ministria e infrastrukturës ka planifikuar që në vitet në vijim të shtrij investimet edhe në vendbanimet e ndërtimit të rrugëve në brezin kufitar. Kadriu tha se në vitin 2019 do të investohet në rrugën Dobërqan – Stublinë por investime do të ketë edhe brezin kufitar të Kamenicës.

Rexhep Kadriu i cili është zëvendësministër në ministrinë e Infrastrukturës tha për rajonipress se deri më sot nuk kanë pasur vëmendjen e institucioneve qendrore fshatrat kufitare dhe duke e marr parasysh jetën dhe kushtet e vështira të këtyre trevave dhe komunikimin më të lehtë në dy anët e kufijve të populluara me shqiptar, ne do të bëjmë çmos që investimet të jenë të pranishme atje.

“Ne sapo nënshkruam kontratën e ndërtimit të rrugës Deqan – Plavë, por investime do të ketë në vitin 2019 edhe në Anamoravë në brezin kufitar me Serbinë pikërisht rruga Doberqan – Stublinë, por do të investohet edhe në brezin kufitar në komunën e Kamenicës” tha Kadriu.

Kadriu tha se fshatrat kufitare nuk do të ndihen të anashkaluar sepse Qeveria Haradinaj po bënë plane e projekte konkrete për të ndihmuar dhe investuar në çdo cep të Kosovës./rajonipress/