Haliti: Viti 2025 vit i mbrojtjes së mjedisit dhe pyjeve në territorin e komunës së Vitisë

Viti – Kryetari i Komunës së Vitisë, Sokol Haliti, ka mbajtur sot një takim me drejtorët komunal dhe përfaqësues të “Eco – Higjienës në Viti, për të diskutuar përgatitjet për shënimin e ditëve të ambientit gjatë muajit prill të këtij viti. Në këtë takim, ai theksoi rëndësinë e mbrojtjes së mjedisit dhe njoftoi për një vendim të ri të marrë nga ai.

I pari i Vitisë bëri me dije se përmes një vendimi ka shpallur vitin 2025 si vit i mbrojtjes së mjedisit dhe pyjeve në territorin e komunën e Vitisë.

Qëllim i këtij vendimi është të rrisë ndërgjegjësimin dhe angazhimin e qytetarëve për ruajtjen e ambientit në këtë komunë.

Haliti shprehu angazhimin e tij për të realizuar disa aksioni mjedisore të cilat do të kontribuojnë në mbrojtjen dhe pastrimin e mjedisit, si dhe do të inkurajojnë një bashkëpunim më të ngushtë mes institucioneve lokale dhe qytetarëve për ruajtjen e natyrës./rajonipress/