Haliti: Të gjitha shkollat në komunën tonë janë të gatshme për fillimin e vitit të ri shkollor 2024 – 2025

Viti – Ne kemi përfunduar të gjitha përgatitjet e nevojshme për të siguruar që çdo nxënës të ketë një mjedis të sigurt, të pastër dhe të përshtatshëm për mësim dhe zhvillim të aktiviteteve shkollore ka shkruar Sokol Haliti.

Postimi i plotë:

Të dashur qytetarë të Vitisë, nxënës dhe mësimdhënës
Me kënaqësi ju informoj se të gjitha shkollat në komunën tonë janë të gatshme për fillimin e vitit të ri shkollor 2024-2025.

Ne kemi përfunduar të gjitha përgatitjet e nevojshme për të siguruar që çdo nxënës të ketë një mjedis të sigurt, të pastër dhe të përshtatshëm për mësim dhe zhvillim të aktiviteteve shkollore.

Gjatë muajve të kaluar, kemi investuar në përmirësimin e infrastrukturës shkollore, përfshirë renovimin e klasave, përmirësimin e kushteve sanitare dhe krijimin e hapësirave të reja dhe atyre ekzistuese.

Po ashtu, kemi siguruar që shkollat të pajisen me materialet e nevojshme didaktike dhe teknologjike për të përmbushur kërkesat e mësimdhënies moderne.

Jam krenar që së bashku me ekipin tim, kemi mundur të krijojmë një ambient arsimor që përkrah zhvillimin e nxënësve tanë dhe ndihmon në arritjen e suksesit të tyre akademik.
Ju dëshiroj të gjithëve një vit të suksesshëm!