Haliti e Abdixhiku përurojnë zyret e LDK-së në Viti: Jemi gati dhe jemi një

Viti – Na pret një fushatë e bukur përpara. Jemi gati dhe jemi një! Dhe një gjë është e sigurtë që tani – të djathtit e LDK-së janë bashkë, të fortë dhe në këmbë! Kushtrimi po bie në Kosovë ka thënë Lumir Abdixhiku.

Sokol Haliti ka shkruar se sonte së bashku me kryetarin e Lidhjes Demokratike të Kosovës, Lumir Abdixhiku përuruam ambientet e reja të zyrës së LDK-së në Viti. Edhe më madhështore këtë solemnitet e bëri prania e madhe e veteranëve të LDK-së, aktivistëve të shumtë, grave dhe rinisë të mrekullueshme të LDK-së.

Kurse Lumir Abdixhiku ka shkruar se sonte në Viti së bashku me mikun tim Sokolin, në hapjen e zyreve të reja aty. Ishim mes veprimtarëve e veprimtareve me përplot entuziazëm e gatishmëri – për veprim, për Lidhjen për vet Republikën!
Na pret një fushatë e bukur përpara. Jemi gati dhe jemi një! Dhe një gjë është e sigurtë që tani – të djathtit e LDK-së janë bashkë, të fortë dhe në këmbë! Kushtrimi po bie në Kosovë ka shkruar Abdixhiku./rajonipress/