E konfirmon trajneri i Sivassporit, dy klube të mëdha turke pas Rey Manajt

Bulent Uygun, trajneri i Sivasspor, ka deklaruar se dy klube të mëdha nga Turqia janë të interesuara për Rey Manajn dhe se janë në bisedime me ta.

Në deklaratën e tij për shtypin para stërvitjes së bardhekuqve, ai tha se liga ka rifilluar dhe të gjithë po përpiqen të krijojnë një ekip të ri.

“Po takohemi edhe me ta (dy klubet turke). Negociatat me ligën saudite vazhdojnë”, ka thënë fillimisht Uygun.

“Nëse numrat dhe pozicionet që duam janë në dispozicion, atëherë menaxhmenti ynë do të vlerësojë”.

“Unë po përpiqem ta përgatis atë (Manajn) në mënyrën më të mirë, sikur ai të mbetet”.
“Edhe pse ka mungesë stërvitje, na dha një kontribut të mirë në dy ndeshje”, vazhdoi trajneri i Sivassporit.

Manaj në sezonin e kaluar me klubin turk ia doli të shënonte 18 gola dhe shtoi tri asistime, duke bërë që klubet turke dhe nga Arabia të vihen pas tij këtë verë. /Telegrafi/