Demagogjia e Alban Hysenit: Viti 2025 na pret me punë dhe përkushtim edhe më të madh për ta bërë Gjilanin një qytet modern

Gjilan – Në Gjilan ka lagje që nuk kanë rrymë deri në 30 orë ndërsa droni i Alban Hysenit po prezanton pak rrugë me projekte të papërfunduara. “Investimet në përmirësimin e infrastrukturës në Gjilan po vazhdojnë, ku krahas rrugëve po rregullohet edhe kanalizimi fekal e ai atmosferik dhe infrastruktura tjetër përcjellëse” ka shkruar Alban Hyseni.

Kryetari i Komunës së Gjilanit Alban Hyseni, bashkë me drejtorin për Shërbime Publike Kushtrim Ibrahimin, kanë parë nga afër punimet të cilat po realizohen lagjet “Mërgimtarët e Gjilanit” dhe “Dheu i Bardhë”.

I pari i komunës, tha se punimet vazhdojnë me ritëm të shpejtë në të gjithë komunën.

Më tej Alban Hyseni, tregoi se në lagjet “Mërgimtarët e Gjilanit” dhe “Dheu i Bardhë” po përfitojnë nga investimet tona në infrastrukturë rrugore.

“Viti 2025 na pret me punë dhe përkushtim edhe më të madh për ta bërë Gjilanin një qytet modern dhe të kompletuar. Do të vazhdojmë me projekte të reja, përmirësime dhe investime që do ta transformojnë qytetin tonë në një vend më të mirë për të jetuar dhe punuar”, tha Alban Hyseni./rajonipress/