Bujar Haziri: Gjithçka gati për “Talia e Flakës”

Gjilan – I njohur si Festivali i dramës shqipe “Talia e Flakës” që zhvillohet në kuadër të “Flakës së Janarit”, sonte nis me shfaqjen e teatrit profesionist të Gjilanit “Një natë në Hotel”. Bujar Haziri drejtor i teatrit tha se gjithçka është gati dhe se në këtë festival do të ketë përfaqësues të teatrove nga Podujeva, Shkupi, Prizreni dhe Vlora.

“Talia e Flakës” starton sonte derisa janë bërë gati të gjitha përgatitjet e nevojshme që ky edicion të dali sa më i suksesshëm.

Bujar Haziri drejtor i teatrit tha se janë bërë përgatitjet e nevojshme dhe se tek aktorët gjilanas mbizotëron një vullnet i madh, por edhe tek teatrot tjera pjesëmarrëse.”Ne jemi gati dhe jam i bindur se publiku gjilanas do të shoh shfaqje të mira dhe që janë aktuale” shtoj Haziri.

Ndryshe në kuadër të “Talia e Flakës” do të jepen shfaqjet duke startuar që nga sonte me shfaqjen:”Një natë në Hotel” e teatrit të Gjilanit, për të vazhduar të martën me shfaqjen e tetarit “Avdush Hasani” nga Podujeva, të mërkurën jepet shfaqja e teatrit të Shkupit, të enjten shfaqja e aktorëve “Bekim Fehmiu” nga Prizreni dhe të premten shfaqja e aktorëve të teatrit nga Vlora./rajonipress/