Ansambli i mirënjohur “Gjilani“ edhe këtë vit e përmbylli me mjaftë rezultate dhe suksese aktivitetin kulturor

Gjilan – Ansambli “Gjilani” me rastin e përmbylljes të këtij viti të suksesshëm, organizoi një koktej modest për anëtaret e Ansamblit dhe mysafirët e ftuar e ku u shpalosen rezultatet e arritura edhe në këtë vit dhe në bazë të rezultateve të arritura, ky ansambël denjësisht përfaqësoi qytetin, Kosovën, kudo që mori pjesë dhe u prezantua me vlera të mirëfillta të kulturës tonë tradicionale nga kjo trevë si edhe me këngë e valle të përpunuara me motive të ndryshme si brenda ashtu edhe jashtë Kosovës.

Me këtë rast udhëheqja e Ansamblit “Gjilani “ i prirë nga kryetari i saj z.Afrim Haziri, organizuan një koktej modest me rastin e të arriturave të aktiviteteve kulturore për këtë vit.

Pos anëtarëve, ishin ftuar edhe mysafirë, mbështetës, përkrahës, kontribuues të Ansamblit, në forma të ndryshme.

Këtë tubim e madhështoi dhe e nderoi edhe prezenca e kryetarit të Komunës z. Alban Hyseni, drejtori për Kulturë, Rini dhe Sport z. Kushtrim Zeqiri, Kryetari i Degës të AAK-së për Gjilan z.Nazim Gagica si dhe personalitete tjera të kulturës etj, të cilët e nderuan dhe e falënderuan Ansamblin për rezultatet e arritura edhe në këtë vit.

Në këtë rast, kryetari i Ansamblit z.Afrim Haziri e falënderoi, Alban Hysenin si dhe drejtorin për KRS z.Kushtrim Zeqirin për mbështetje si dhe për ndihmën e dhënë për rregullimin e lokalit dhe krijimin e ambientit për zhvillimin e aktivitetit të ansamblit, por nuk ishin harruan për ftesë edhe ish aktivistet, anëtaret e këtij ansambli, të cilët kishin kontribuar ndër vite.

Në fillim, Afrim Haziri, me disa fjalë u dëshiroi mirëseardhje anëtarëve, mysafirëve të ftuar dhe foli shkurtimisht për disa aktivitete kulturore e suksese të arritura të Ansamblit edhe në këtë vit.

Në vazhdim Ansambli ndau mirënjohje për gjithë anëtarët për kontributin e dhënë si dhe për bashkëpunuesit – vepruesit për këtë ansambël e në veçanti me mirënjohje u nderuan: Kryetari i Komunës z. Alban Hyseni, drejtori për Kulturë Rini e Sport, z.Kushtrim Zeqiri, Nazim Gagica, kryetar i Degës të AAK-së për Gjilan si dhe mbështetës i ka hershem i Ansamblit, z.Shaban Shabani, udhëheqës i disa shoqërive ndër vite e sidomos i Ansamblit të mirënjohur “Gurra” dhe udhëheqës artistik i Festivalit ”mbarëkombëtar “Gurra popullore” që u organizua gjatë okupimit e vazhdoi disa vite edhe në liri e si u tha, me punën e tij kontribuoi, zbuloi dhe nxori mjaft talent, kuadro në lëmin e kulturës.

Edhe, z.Halit Isufi ish instrumentalist i Ansamblit, z.𝐁𝐮𝐫𝐡𝐚𝐧 Haziri, udhëheqës artistik i Ansamblit, por edhe veprimtareve, bashkëpunëtorëve dhe kontribut dhënësve që e kishin ndihmuar në mënyra të ndryshme aktivitetin e këtij Ansambli iu ndanë mirënjohja si dhe themeluesve të këtij ansambli.

Në këtë rast me mirënjohje postmorum u nderua edhe ish kryetari i Ansamblit z.Nehat Ferati për të cilin u thanë disa fjalë emocionuese për aktivitetin dhe kontributin e tij që nga fillimi në ish rolin e kryetarit të ansamblit.

Pas ndarjes së mirënjohjeve një fjalë rasti e pati KK z.Alban Hyseni, Kushtrim Zeqiri, drejtor për Kulturë Rini dhe Sport, z. Gagica, Shaban Shabani etj të cilët me fjalët e tyre përshëndetën anëtarët, udhëheqësin si dhe kryetarin e Ansamblit z. Afrim Haziri për rezultatet e arritura edhe në këtë vit duke iu dëshiruar suksese edhe në vijim dhe i falënderuan për këtë organizim dhe mikpritje dhe për gjitha aktivitetet kulturo – artistike të arritura deri më sot me dëshirë që të kenë edhe më shumë suksese dhe mirënjohje në të ardhmen. /shaban Shabani/rajonipress/