Albian Ajeti dhe Benjamin Kololli, fantastikë në fitoren e thellë të Baselit ndaj Servettes
RajoniPress
20:36, 11 Gusht, 2024
| 10 muaj më parë
Albian Ajeti dhe Benjamin Kololli shënuan gola në fitoren e thellë të Baselit ndaj Servettes me rezultatin 6-0 në xhiron e katërt të Superligës zvicerane, e luajtur të dielën (11 gusht).
Ajeti shënoi dy gola dhe dha një asistim. Ai asistoi për golin e dytë të Baselit në minutën e 46, të shënuar nga Benie Traore, dhe në minutën e 63-të realizoi golin e tij të parë në ndeshje, që ishte gjithashtu goli i tretë për Baselin.
Më pas, në minutën e 76-të, Ajeti shënoi golin e katërt për ekipin e tij.
Ai luajti 85 minuta para se të zëvendësohej nga Benjamin Kololli.
Kololli shënoi golin e fundit në minutën e 87-të për të vulosur rezultatin në 6-0.
Leon Avdullahu u zëvendësua në minutën e 85-të nga Taulant Xhaka. /Telegrafi/
