Limaj: Zërin e qytetarëve s’mund ta ndalë askush

Nisma për Kosovën ka shënuar sot një vjetorin e saj. Me këtë rast, kryetari i Nismës ,Fatmir Limaj, shprehu falënderimin për të gjithë votuesit, që ja kanë dhënë besimin për të qenë në parlamentin e Kosovës.

“Rruga e drejtë ka shumë sfida, por Kosova ka pasur njerëz, që të gjitha këto i kanë kaluar. Zërin e tyre nuk e ka ndalur askush,dhe nuk mund ta ndal asnjë qeveri. Tani ne përballemi, me një regjim, i cili nuk ka lënë asgjë pa kapur, vetëm e vetëm që ta ndal zërin opozitar”, ka thënë Limaj

Poashtu, Limaj tha se kërkuan vote për një qeverisje ndryshe, dhe se këtë po e bëjnë.

“Kosova asnjëherë s’ka qenë në gjendje më të rëndë ekonomike, sociale. Kriza ekonomike ka filluar nga arsimi, shëndetësia, për të vazhduar deri te mungesa e vendeve të punës”, ka shtuar Limaj./Gazeta Tribuna/