Babai e lë foshnjën e vdekur në rrugë

Trupi i një foshnje të pajetë është gjetur të hënën në orët e hershme të mëngjesit jashtë rrethojave të oborrit të Spitalit Rajonal në Mitrovicë. Dyshohet se foshnja e vdekur është braktisur nga babai. Foshnja e vdekur e gjinisë mashkullore është gjetur rrëth orës 07:20 nga kalimtarë të rastit të cilët edhe kanë njoftuar policinë.

Rastin e kanë konfirmuar zyrtarë të Spitalit të Mitrovicës dhe Policia e Kosovës. Zëvendësdrejtori i Spitalit të Mitrovicës, Zahir Musa ka treguar për Tribuna se një çift bashkëshortor, Xh.M dhe S.M, kanë sjellur në repartin e Gjinekologjisë në Spitalin Rajonal të Mitrovicës, një foshnje të posalindur. “Mjeku kujdestar ka konstatuar se fëmija ka arritur në spital pa shenja jete.

Nëna e tij menjëherë është shtruar në spital“, ka thënë Musa. Sipas tij, babai i fëmiut të lindur parakohe (dyshohet të ketë qenë në muajin e 5-të), ka kërkuar nga mjeku kujdestar që t’i lirohet kufoma fëmijës së vdekur, duke e marrë atë për ta varrosur. “Pas plotësimit të dokumentacionit të nevojshëm, babai ka marrë foshnjën dhe ka dalur nga spitali rreth orës 04:00, ndërsa që nëna e fëmijës ende qëndron e shtrirë në Spitalin e Mitrovicës në jug të qytetit“, ka thënë zëvendësdrejtori i Spitalit të Mitrovicës, Zahir Musa…(Tribuna)