Dy raste të dhunës në familje në Kamenicë, dy persona të dyshuar dërgohen në mbajtje

Kamenicë – Dy raste të dyshuara të dhunës në familje janë raportuar në Kamenicë më 25 tetor, ku dy persona të dyshuar, të dy meshkuj, janë arrestuar nën dyshimin për sulm fizik ndaj dy viktimave femra.

Sipas raportit policor, rasti i parë është regjistruar rreth orës 03:00, kur një person i dyshuar dyshohet se ka sulmuar fizikisht një grua. Viktima ka pranuar tretman mjekësor, ndërsa i dyshuari, me vendim të prokurorit, është dërguar në mbajtje.

Rasti i dytë është raportuar po të njëjtën ditë, rreth orës 09:00, kur një tjetër person i dyshuar dyshohet se ka ushtruar sulm fizik ndaj një gruaje.

Pas intervistimit, me vendim të prokurorit, edhe i dyshuari i dytë është dërguar në mbajtje.

Autoritetet kompetente po trajtojnë rastet në përputhje me procedurat ligjore./rajonipress/