Në Goden dhe Shurdhan policia konfiskon mallra të kontrabanduara

Gjilan – Në fshatin Goden është ndaluar i dyshuar mashkull kosovar, pasi që në veturën e tij kishte të ngarkuar mallra pa prejardhje, dhe sipas tij vlera është rreth 500 euro. Me vendim të prokurorit, i dyshuari është liruar, ndërsa vetura dhe mallrat i janë dorëzuar doganës për procedurë të mëtutjeshëm.

Edhe në fshatin Shurdhan, të Gjilanit, policia ka ndaluar një të dyshuar mashkull shtetas i RMV, me automjet kombi në të cilin kishte mallra të ndryshme shëndetësore, kozmetike etj. për të cilat nuk ka pasur mbulesë dhe dyshohet se ka qenë duke i kontrabanduar.

Me vendim të prokurorit malli është dorëzuar doganës së Kosovës njoftoi policia e Kosovës./rajonipress/