Prokuroria Themelore në Gjilan ngre shtatë aktakuza për vepra të ndryshme penale

Gjilan – Prokuroria Themelore në Gjilan ka njoftuar se ka ngritur gjithsej shtatë (7) aktakuza kundër shtatë (7) personave, të dyshuar për përfshirje në vepra të ndryshme penale.

Sipas njoftimit zyrtar, tri (3) aktakuza janë ngritur kundër tre personave për veprën penale “vjedhje e shërbimeve”, ndërsa dy (2) aktakuza të tjera kundër dy personave për veprën penale “vjedhje”.

Po ashtu, një (1) aktakuzë është ngritur për veprën penale “rrezikimi i trafikut publik”, ndërsa një tjetër për “posedim të paautorizuar të narkotikëve, substancave psikotrope ose analoge”.

Prokuroria ka bërë të ditur se rastet janë proceduar në gjykatën kompetente për shqyrtim të mëtejmë, ndërsa mbetet në përgjegjësinë e organeve të drejtësisë që të vendosin lidhur me fajësinë apo pafajësinë e të akuzuarve, në përputhje me ligjin në fuqi./rajonipress/