Ezgjan Alioski shënon golin e parë në Ligën Premier
RajoniPress
22:05, 16 Dhjetor, 2020
Ezgjan Alioski ka shënuar golin e parë në karrierën e tij në elitën e futbollit anglez, Ligën Premier.
Mesfushori shqiptar që aktivizohet me Leeds United ka qenë protagonist në fitoren e skuadrës së tij ndaj Newcastle United.
Alioski ka qenë titullar si gjithnjë për skuadrën e tij, e cila mori fitore të thellë 5-2 ndaj Newcastle.
E reprezentuesi i Maqedonisë së Veriut arriti të realizoj golin e katërt në këtë sfidë.
28-vjeçari u asistua bukur nga Hernandez derisa shënoi me lehtësi për 4-2.
Për Alioskin ky ishte goli i parë në elitën e futbollit anglez, me shqiptarin që nën urdhrat e trajnerit Bielsa po luan si mbrojtës i majtë.
Gjithsesi me këtë fitore, Leeds United është ngritur në pozitën e 13-të në tabelë me 17 pikë të tubuara. /Telegrafi/
