Bylbyl Sokoli merr “timonin” e SC Gjilanit

Pas dorëheqjes së ish-trajnerit Gentjan Mezanit dhe emërimit të përkohshëm të trajnerit Sallah Sherifit, krerët e Gjilanit për një kohë të shkurt kanë arritur të gjejnë “timonierin” e ri të skuadrës.

Trajner i ri i “bardhekuqëve” të Gjilanit tani do të jetë Bylbyl Sokoli, ish-trajner i shumë skuadrave në futbollin e Kosovës.

Drejtori i SC Gjilanit, Sevdai Robelli, ka bërë të ditur se kemi arritur marrëveshje që Bylbyl Sokoli ti prijë skuadrës.
“Është e vërtet që kemi arritur marrëveshje me trajnerin Bylbyl Sokolin në pasditen e sotme, ndërsa zyrtarizimi i tij do të bëhet të dielën. Shpresojmë dhe urojmë që me trajnerin e ri të jemi së bashku për një kohë të gjatë”.

Trajneri i shumë skuadrave të Kosovës, Bylbyl Sokoli, ishte edhe më herët pjesë e Gjilanit, ai kishte arritur në taborin “kuqebardhë” me 6 nëntor 2015 ndërsa me 5 prill 2016 kishte ndarë rrugët me Gjilanin duke mos lënë gjurmë tek skuadra e Gjilanit./rajonipress/