Skifterat ndihmojnë komunitetin në Sri Lanka

Tifozët e SC Gjilani, “Skifterat” kanë treguar edhe njëherë se përveç që përkrahin skuadrën e tyre, ata janë edhe shumë humanitarë sa herë që është nevoja.

“Skifterat” kësaj radhe kanë ndihmuar një komunitet me shumë nevojë në Sri Lanka të Azisë, ku i kanë mundësuar hapjen e një pusi të ujit të pijshëm.

Ky lajm është bërë i dituar në faqen e tyre zyrtare të “Ultras Skifeterat”, ku ndër të tjera thuhet:

“Të gjithë fëmijët e botës meritojnë burimin kryesor të jetës, ujin e pijshëm!
Në Sri Lanka mundësuam hapjen e një pusi të ujit të pijshëm në një komunitet për të cilët uji është shumë i nevojshëm, e posedimi i tij mrekulli.
Kjo falë anëtarit tonë Kujtim H. i cili përmes Human Relief përsosi këtë vepër dhe i cili shquhet për humanizmin dhe kontributin e tij në çdo aktivitet bamirësie nga grupi jonë, për çka edhe i jemi mirënjohës e falënderues”./rajonipress/