Derbi Gjilani-Ballkani pa fitues, përfiton Drita shpallet kampion

Jave e 32-të, në Superligën e Kosovës në derbin në mes Gjilanit e Ballkanit nga Suhareka është përmbyll me rezultat 2-2, ky rezultat më së shumti i ka shkuar përshtati Dritës e cila një javë para se të përfundon kampionati është shpallur kampion i Kosovës 2019-2020.

Mëkati më i madh i kësaj ndeshje ishte mos prezenca e shikuesve për shkak pandemisë, për të përcjell spektaklin si me lojë poashtu edhe me gola.

Në minutën e 15-të, Ermal Krasniqi godet me kokë por në mënyrë bravuroze mbron Haxhihamza i Gjilanit.

Në minutën e 42-të, Kushtrim Shabani arrin të gjendet bukur në zonë duke mposhtur portierin mysafirë, Armend Ruxhin, 1-0.

Golin e barazimit mysafirët e arrin në minutën e 73-të, Ermal Krasniqi harkon e Mirlind Daku mposht Haxhihamzën duke barazuar 1-1.

Dy minuta më vonë Jetmir Topalli me kokë shënon duke sjell stres në stadium, 1-2 për Ballkanin.

Kur të gjithë menduan se ndeshja do t’ju takon musafirve në skenë edhe një herë del Keita Rezak i cili nga 13 metra barzaon në 2-2.

Trajneri i Ballkanit, Ismet Munishi, pas ndeshjes ka deklaruar.
“Ne bëmë një ndeshje të mirë skuadra e Gjilanit ka futbollist cilësor, falënderoj kryetarin dhe kryesin e Gjilanit për mirëpritje poashtu edhe qytetarët e Gjilanit, mendoj se skuadra e Ballkanit ishte bukuria e këtij kampionati”.

Ndërsa trajneri nga Vlora, Gentjan Mezani, pas 90 minutave ka deklaruar.
“Gjilani është skuadra më e mirë në Kosovë, ua mbyllëm gojën shumë specialistëve që na kritikonin edhe ne edhe Ballkani kemi luajtur pastër. Prokuroria dhe federata duhet të punojnë që kampionati i ardhshëm të jetë i pastër mua nuk më intereson, a është bërë Drita kampion ne kemi zhvilluar lojëra të pastërta, ne jemi brenda objektivave dhe kërkojmë pozitën e dytë ndaj Flamurtarit”./rajonipress/